Isa 13 | Ndebele | STEP | Umthwalo weBhabhiloni awubonayo uIsaya indodana kaAmozi .

2 Phakamisani uphawu ^d entabeni eligceke ^{e
,} ^f, libaphakamisele ilizwi, liqhwebe ngesandla ^g, ukuze bangene eminyango yeziphathamandla. 3 Mina ngibalayile abangcwelisiweyo bami ^h, ngibizile lamaqhawe ami ⁱ kuntukuthelo yami, abathokozayo ngobukhosi bami ^{j
,} ^k. 4 Ukuxokozela kwexuku ezintabeni ^l, kungathi ngokwabantu abanengi, umsindo wokuxokozela ^m kwemibuso, kwezizwe ezibutheneyo; iNkosi yamabandla ibutha ibutho lempi. 5 Bavela elizweni elikhatshana ⁿ, emkhawulweni wamazulu, iNkosi kanye lezikhali zentukuthelo yayo, ukuchitha ^o ilizwe lonke.

6 Qhinqani isililo ^p, ngoba usuku lweNkosi lusondele ^{q
,} ^r; njengokuchitheka okuvela kuSomandla luzafika ^{s
,} ^t. 7 Ngenxa yalokhu izandla zonke zizaxega, lenhliziyo yonke yomuntu incibilike ^u; 8 babesebetshaywa luvalo; imihelo ^v lobuhlungu ^w kubabambe; bafuthelwe njengowesifazana obelethayo ^{x
,} ^y; bamangale ngulowo ngomakhelwane wakhe; ubuso babo buyibuso bamalangabi. 9 Khangelani, usuku lweNkosi luyeza ^z, lulesihluku lokufutheka lolaka oluvuthayo ^aa, ukubeka umhlaba ube yincithakalo; ibhubhise izoni ^ab zawo zisuke kuwo. 10 Ngoba inkanyezi zamazulu lemithala yazo ^ac kaziyikukhanyisa ukukhanya kwazo ^ad; ilanga lizakuba mnyama ^ae ekuphumeni kwalo, lenyanga kayiyikukhanyisa ukukhanya kwayo ^af. 11 Ngoba ngizaphindisela ububi ^ag phezu komhlaba, laphezu kwabakhohlakeleyo izono zabo; ngiqede ukuzigqaja kwabazikhukhumezayo ^ah; ngithobise ukuzikhukhumeza kwabalesihluku ^ai. 12 Ngizakwenza ukuthi indoda ^aj ibe ligugu elikhulu ^ak kulegolide elicwengekileyo ^al, lomuntu kulegolide leOfiri ^am. 13 Ngenxa yalokhu ngizazamazamisa amazulu ^an, lomhlaba uzanyikinyeka ^ao usuke endaweni yawo, entukuthelweni ^ap yeNkosi yamabandla, losukwini ^aq lokuvutha kolaka lwayo ^ar. 14 Njalo kuzakuba njengomziki oxotshwayo, lanjengezimvu okungelamuntu oziqoqayo; bazaphenduka ngulowo lalowo ebantwini bakibo ^as, babalekele ngulowo lalowo elizweni lakhe. 15 Wonke ozatholakala uzagwazwa ^at, laye wonke ozabanjwa uzakuwa ngenkemba. 16 Labantwana babo ^au bazachotshozwa phambi kwamehlo abo, izindlu zabo ziphangwe ^av, labomkabo badlwengulwe ^aw. 17 Khangela, ngizabavusela ^ax amaMede ^ay, angakhathaleli isiliva ^az, legolide, angathokozi ngalo. 18 Lamadandili awo ^ba azachoboza amajaha; njalo kawayikuba lesihawu ngesithelo sesizalo; ilihlo lawo ^bb kaliyikuhawukela abantwana.

19 LeBhabhiloni, udumo lwemibuso ^bc, ubuhle ^bd bokuziqhenya kwamaKhaladiya ^{be
,} ^bf, izakuba ^bg njengokugenqulwa nguNkulunkulu ^bh kweSodoma leGomora ^bi. 20 Kakuyikuba lendawo yokuhlala kuze kube nininini ^bj, njalo kayiyikuhlalwa kusizukulwana lesizukulwana; lomArabhiya ^bk kayikumisa ithente khona, labelusi kabayikulalisa umhlambi khona ^bl. 21 Kodwa ^bm izilo zeganga ^bn zizalala khona, lezindlu zayo zizagcwala izilo ezikhonyayo; lamadodakazi ezintshe azahlala khona ^bo, lamagogo aqolotshe khona ^{bp
,} ^bq. 22 Lezimpisi ^br zizaphendulana emanxiweni ayo ^bs, lemigobho ^bt ezigodlweni ezilentokozo ^{bu
,} ^bv. Lesikhathi sayo siseduze ukufika ^bw, lezinsuku zayo kaziyikuphuziswa.